MENDIXUR - PARKE ORNITOLOGIKOA

2014ko abenduaren 9an, euripean, Mendixurrera abiatu ginen. Garaioko informazio etxean zain genuen Igor, gure begiralea. Berak azaldu zigun, maketa handi baten aurrean, urtegiaren zergartia eta ondorioak.

Ondoren, parkerantz abiatu ginen, behatokirantz. Bidean gindoazela okil berdearen kantua entzun genuen, oso deigarria iruditu zitzaiguna kantua baino barrea zirudien eta. Kukuaren kontu hori ere kontatu zigun, hau da, beste txoritxo batzuen kabietan jartzen dutela beraien arrautza... Ezagutzen al duzue alproja horiek egiten dutena? Galdetu, galdetu...

Behin behatokian, animali desberdinen hezurdurak ikusi genituen: orkatzaren eta azeriaren buruhezurrak eta beraien ezaugarriak; hegazti desberdinen lumak, hankak eta aztarnak... Harritu gintuen hegaztien hezurrak barrutik hutsik zeudela ikusteak.

Azkenik, leihatilak ireki, prismatikoak hartu eta hegaztiak ikusten eman genuen denbora luze. Zein politak!... Kopetazuriak, ubarroiak, basahateak... pilaka! Martin arrantzalea ere hurbil zebilela esan zigun behatzaile batek baina guk ez genuen ikusteko aukerarik izan. Lastima!

Ez zaretela inoiz egon? Ba... aizuek!...Aprobetxatu hemen bertan daukagula eta garai ezin hobean aurkitzen garela eta joan, ez zarete damutuko.

2014ko abenduaren 9a

5. maila A

Umandi 2015 A Pintxo Bilduma

Leer más publicaciones en Calaméo

CUENTOS CON HISTORIA 2013

Publish at Calameo or read more publications.

LARRU TAILERRA 2013

 LARRU TAILERRA

Poltsikoak bete-bete eginda daramatzazula eta zuloz beterik?... Ez arduratu, hemen duzu arazo honentzako irtenbide dotorea:

Poltsikoa hustutzekoa

Apirilaren 24 eta 25ean Arte eta Lanbide eskolara joan ginen. Han Larru tailerra egin genuen gela erdiak; larruzko Poltsikoa hustutzekoa hain zuzen ere.

Lantxo honetarako material hau behar duzu: larru zati bat (20 cm x 15 cm), anilinak, azetatoa, cutter bat, txantiloiak eta margo akrilikoak.

Nola egin:

- Hasteko, larru zatia hartu eta tintatu.

- Kolorea ondo zabaldu eta bustita dagoela aprobetxatuz, atzamarrak erabiliz, ontzi forma eman. Ondoren, egun bat utzi lehortzen.

- Hurrengo egunean azetatoa hartu eta plantilak prestatu.

- Behin plantilak prest izanda jarri larruan eta pintzelaz, kolpetxoka margotu.

Eta... kito! zure arazoa konponduta

"IZARREN ARTEAN" ipuin sorta

Irudimena, hegaz egiteko tresna egokiena. Sartu eta goaz!

LARRUZKO PLATERTXOA. Eskuak eta sormena.